Bersant Celina ia ka siguruar së paku një pikë skuadrës së tij, Ipswich Town, ndaj Oxford United, në ndeshjen e javës së 39-të në League One.
Ipswich luajti baras në udhëtim te Oxfordi me rezultatin 1:1.
Për mysafirët shënoi Bersant Celina në minutën e 70-të. Reprezentuesi i Kosovës luajti për 87 minuta sot.
Vendasit nuk u dorëzuan në këtë përballje dhe barazuan rezultatin në fundin e ndeshjes, me Luke McNally që shënoi në minutën 90+5.
Ipswich Town pas këtij barazimi ka 61 pikë dhe renditet i nënti në tabelë, teksa Oxford United është i pesti me tetë pikë më shumë.
