Ministri i Jashtëm i Türkiye-s, Mevlüt Çavuşoğlu zhvilloi një bisedë telefonike me ministren për Evropën dhe Punët e Jashtme të Francës, Catherine Colonna, transmeton Anadolu Agency (AA).
Në një njoftim nga ministria thuhet se Çavuşoğlu dhe Colonna në bisedën telefonike diskutuan për ngjarjet e dhunshme që ndodhën pas sulmit që një francez kreu në Paris më 23 dhjetor.
Në bisedë Çavuşoğlu tha se Franca me këtë ngjarje pa fytyrën e vërtetë të organizatave terroriste. Ai theksoi se propaganda e zezë që qarqet e PKK/PYD/YPG-së filluan kundër Türkiye-s duke paraqitur si justifikim sulmin dhe shfaqja e politikanëve francezë para fotografive të kreut terrorist dhe para leckave të organizatës terroriste, është e papranueshme dhe se nuk duhet të lejohen këto aktivitete propagandistike.
