Nga data 17 deri më 21 Korrik 2025, Çarshia e Shkupit do të shndërrohet në një skenë shumëngjyrëshe ku kultura, muzika dhe tradita nga mbi 10 shtete do të ndërthuren në kuadër të edicionit të 20-të jubile të Festivalit Ndërkombëtar “Mbrëmjet Folklorike të Çarshisë”.
Për tre net me radhë – më 18, 19 dhe 20 Korrik, duke filluar nga ora 20:30, vizitorët do të kenë mundësinë të shijojnë performanca të mrekullueshme folklorike me valle, muzikë dhe kostume tradicionale nga kultura të ndryshme të botës. Nata finale e festivalit, më 20 Korrik, pritet të jetë kulmi i këtij spektakli kulturor.
Ky festival, tashmë i njohur si një ndër ngjarjet më të dashura të verës në Shkup, promovon trashëgiminë kulturore dhe dialogun ndërkulturor, duke e kthyer Çarshinë në një pikëtakim të gjallë të popujve dhe traditave.
Ejani dhe përjetoni magjinë e folklorit ndërkombëtar në zemër të Çarshisë!
