Zv/kryeministri Fatmir Bytyqi ka deklaruar se pasi shërbimet e inspektimit do të konfirmojnë nëse rritja e çmimeve është real, Qeveria do t’i publikojë emrat e të gjitha kompanive që kanë bërë rritje artificiale të çmimeve.
Bytyqi mbetet në qëndrimin se është bërë rritje artificiale për disa prodhime të caktuara.
“Se ka rritje marramendëse dhe artificiale të çmimeve, këtë e thash edhe javën e kaluar. Një, dy shembuj se përse e thash atë. Për pastat tek një prodhues është rritur nga katër për qind më 31 maj në 72,5 për qind, pra qytetarët paguajnë 65 për qind marzh fitimi për pasta për një prodhues”, tha Bytyqi, transmeton SHENJA.
