Nëna e vajzës 12-vjeçare të përdhunuar dhe shfrytëzuar seksualisht në Greqi, është lënë në paraburgim në Colonos.
Ajo akuzohet për bashkëpunim me tutorin e vajzës së saj, në kurriz të së bijës.
“Para hetuesve ajo mohoi gjithçka, duke cituar edhe mesazhet që ka shkëmbyer me Ilias Michos”, dëshmoi një nga djemtë e saj dhe vajza e saj e madhe.
37-vjeçarja kur ka kuptuar, siç pretendon ajo, se çfarë po ndodhte me vajzën e saj ka folur me mesazhe me tutorin Michos.
Brenda hetuesisë ajo ka shpërthyer në lot së bashku me dy fëmijët e saj më të rritur.
Sipas raportimeve, hetuesja që trajton çështjen ka pyetur për katër transfertat me vlerë 110 euro në llogarinë e saj, për bisedat dhe mesazhet e saj me Ilias Michos dhe gruan e tij. Duhet theksuar se remitancat janë gjithsej katër dhe dyshohet se vijnë nga dy persona. Nga këta, një person nuk është identifikuar dhe i dyti nuk është arrestuar.
Burimi: GAZETA.MK
