Kandidati për deputet i Partisë Demokratike, në qarkun e Dibrës Xhelal Mziu dhe nipi i tij kanë dhunuar një zyrtar te njësisë administrative Ostren, në një ngjarje të rëndë në këtë fushatë zgjedhore, që ka ndodhur pasditen e së enjtes pas një takimi elektoral të PD në këtë fshat.
Policia thotë se Xhelal Mziu dhe nipi tij 36 vjeçar pas takimit elektoral kanë rrahur me grushte 33-vjecarin Kalosh Murra, banues në Shupenzë, me detyrën e përgjegjësit të ndihmës ekonomike në njësinë administrative Ostren.
Kallëzimi është bërë fillimisht nga vetë Kalosh Murra, ku para oficerëve të policisë së Bulqizës, ai ka thënë se në momentin kur është sulmuara, ka qenë duke qëndruar para zyrave të njësisë administrative Ostren.
Në këtë moment Xhelal Mziu bashkë me nipin e tij, janë kthyer dhe e kanë goditur.
Gazetari Ardit Rada, i ftuar në “Ora e Fundit” u shpreh se nuk është hera e parë që Xhelal Mziu përfshihet në episode të tilla dhune në kohë zgjedhjesh.
“Pamjet që janë transmetuar në media është se zyrtari është goditur pa shkak dhe qartë nga deputeti dhe njerëzit pas tij. Kemi të bëjmë me një personazh, që e ka historikun e dhunës e ka nga pak.
Ai thekson se Berisha i ka vendosur qëllimisht këta persona, për të krijuar trazira dhe përplasje.
“ Janë vendosur qëllimisht për të pasur trazira dhe përplasje të tilla”, tha ai.
Burimi: botasot.info
