Kryetari i komunës së Podujevës, Shpejtim Bulliqi, i ka shprehur ngushëllime familjes Jupolli nga Shajkofci, për vdekjen e djalit të tyre, Arbnorit.
Bulliqi tha se ndihet shumë i pikëlluar.
“Në këto momente të dhimbjes dhe pikëllimit, shpreh ngushëllimet më të sinqerta për familjen Jupolli, miqtë dhe të gjithë ata që njohën Arbnorin”, u shpreh Bulliqi.
28-vjeçari vdiq si pasojë se goditjes nga vetura në rrugën “Fahri Fazliu” në Prishtinë në ditën e fundit të ndërrimit të moteve.
Ai u dërgua për trajtim në Qendren Klinike dhe Universitare, por nuk arriti t’ju bëjë ballë lëndimeve.
Arbnor Jupolli, vdiq në orët e para të ditës së hënë.
