Kurrë nuk vdesë e nënshtrohet ai shpirti i përvuajtur për liri e demokraci, për të cilën edhe u vra Bujar Kaloshi, dhe u vranë dhjetëra e dhjetëra demokratë të tjerë antikomunistë në këto 32 vjet
Persekutimi i familjes “Kaloshi” dhe i të afërmëve të saj nga diktatura komuniste e ka zanafillën që në vitin 1946. Bujar Kaloshi, lindi në 1956 në Grabjan – Lushnje, aty ku edhe kreu shkollën fillore, tetëvjeçare dhe të mesme, pa iu dhënë ndonjëherë e drejta, si biri e një familje të persekutuar, të vijonte studimet e larta.
Me fillimin e lëvizjes demokratike në vend, (1990) ai shumë shpejtë u bë njëri prej nismëtarëve dhe organizatorëve të proceseve demokratike në Lushnje, themelues i Partisë Demokratike në qytetin e Lushnjes.
Pas ardhjes së demokracisë u emërua Drejtor i Departamentit të Policisë Financiare. Më 1995, pasi përfundoi studimet dhe u diplomua në Fakultetin e Drejtësisë dhe Kolegjin Ushtarak (Law Faculty and Military College) u emërua Drejtor i Përgjithshëm i Burgjeve me gradën Kolonel. Nismëtar dhe themelues i Shoqatës Antikomuniste Demokratike, themelues i Partisë Demokratike në qytetin e Lushnjes.
Më 26 korrik 1996 u vra në detyrë.
Vrasja e bujshme tronditi mbarë opinionin. Vrasja e tij u konsiderua si një akt terrorist i organizatës kriminale “Hakmarrja për drejtësi”
26 korrik 2024!
28 – vjetori i vrasjes së kolonel Bujar Kaloshit, dhe 74 – vjetori i lindjes së tij, është një ditë e veçantë. Është, pikërisht, kjo datë e cila mbart mbi vete një kujtim të trishtuar, largimin nga jeta të nismëtarit themelues të Shoqatës Antikomuniste Demokratike, demokratit të flakët – pinjollit të atdhetarizmit dhe patriotizmit – të paharruarit, Bujar Kaloshit.
Kjo datë! përkujtimore në nderim të emrit dhe veprës së demokratit dhe antikomunistin Bujar Kaloshi, që në fillimin e lëvizjes demokratike në vend, atijë që shumë shpejtë u bë njëri prej nismëtarëve dhe organizatoreve të proceseve demokratike në Lushnje, themelues i Partisë Demokratike në qytetin e Lushnjes, vazhdon të bëjë thirrje për më shumë drejtësi.
26 korrik 1996!
Bashkëvuajtsit e tij kurr nuk kan heshtur, megjithse zëri i tyre ka rënë në veshë të shurdhët. Ata kan folur për forcat e errësirës që kan drejtuar në atë periudhë shtetin e korrupsionit, të prostitucionit dhe të krimit të organizuar.
Ata kan thënë se; “Bashkëpunëtorë të drejtuesve më të lartë të shtetit sot janë nga ata që kanë vrarë jo vetëm Bujarin – por edhe shumë pishtarë të tjerë të demokracisë. Qeveritë e majta janë té lidhura me krimin që i vrau të gjithë ata që mbronin shtetin e së drejtës dhe që paraqisnin rrezik serioz për mafien shqiptare.
Nuk nguruan të vrisnin të gjithë ata që në shoqërinë e tyre kishin emëruesin e përbashkët, Demokracinë me Partinë Demokratike liderin e saj Berishën, i cili është një nga figurat më të shquara të demokracisë, një ndër nismëtarët më të rëndësishëm në ndryshimin definitiv të sistemit mashtrues të diktaturës, dhe sot për fat të keq tê këtij vendi ai është i ” Burgosur politik” në Shqipëri.
Ish të burgosurit politik, dhe të përdjekurit politik, vazhdimisht kan akuzuar bijtë e atyre, që janë sot në pushtet, se : Krimi ende është i pandëshkuar, duke bër apel për bashkëvuajtësit! se -Shqipëria, mbeti peng i vrasjeve dhe përndjekjve politike!
“Por, edhe pse është folur kaq shumë për zhdukjen e komunizmit, ai ndodhet ende mes nesh, i maskuar me emrin “socializëmin e kohës- Globalizëm total” kanë thënë ish të burgosurit politik, dhe të përdjekurit politik, duke shtuar se e vërteta është që shqiptarët ende edhe sot vazhdojnë të jenë të shtypur e të dhunuar, jo si në kohën e diktaturës por me forma të tjera.
Sërish komunizmi me bijtë e tyre në krye të këtij shteti, qeveria Rama janë bërë një, për t’iu kundërvënë dhe “shtypur kokën” Ish të burgosurve politik, dhe të përdjekurve politik.
Me të u rikthyer në pushtet PS-ja, 2013, e nisi me të gjithë të presekutuarit politik, të cilët u pushuan nga puna, dhe u flakën në rrugë, si demokratë përkrahës dhe mbështetës të zjarrët të Partisë Demokratike, Liderit të kësaj partie Sali Berishës.
Por, Ish të burgosurit politik, dhe të përdjekurit politik, thonë se kjo qeveri i ka bërë hesapet gabim, kur vjen puna sesi e shohin komunistët dhe bijtë e tyre sot shtresën e të presekutuarve.
Askush, as socialistët dhe as aleatët e tyre përtej kufirit që kan gjetur ata në perendim apo kudo qofshin ata, nuk do të mundin dot të shkatërrojnë dhe ta nënshtrojnë ëndrrën që “mbollën” me vuajtjen e tyre, ata që u vet sakrifikuan dhe u flijuan për demokracinë, atë demokraci që gëzojmë të gjithë së bashku sot.
Kurrë nuk vdesë e nënshtrohet ai shpirti i përvuajtur për liri e demokraci, për të cilën edhe u vra Bujar Kaloshi, dhe u vranë dhjetëra e dhjetëra demokratë të tjerë antikomunistë në këto 32 vjet liri.
Historia nuk do të mund të përsëritet!
Mbasi në themelet e saj ka shumë pishtarë të cilët u bënë kurban që demokracia të jetojë. Dhe, demokracia do jetojë, ajo do të kapërcejë edhe këto pengesa, apo ferra që neokomunistët pushtetarë përpiqen t’i ngjizin në trupin e saj të njomë, me këtë lloj socializimi global.
Demokratët shqiptarë, ata që e duan vërtet Shqipërinë, nuk do lejojnë kurrë që njerëz të tillë si pushtetarët që janë sot, në qeverinë e Edi Ramës të bëjnë atë që ua bënë baballarët e tyre, Bllokmenët. Pikërisht, për këtë u përndoqën u presekutuan deri sa dhanë edhe jetën njerëzit që e deshën demokracinë dhe Shqipërinë.
Njëri prej tyre është dhe ndjeri Bujar Kaloshi,që po e kujtojmë në këtë 28 vjetor.
Bujari është nderuar me Urdhrin e Lartë “Nderi i Kombit” me motivacionin : “Për kurajon e shfaqur në qëndresën ndaj diktaturës komuniste në Shqipëri, për kontributin e çmuar në vendosjen e demokracisë dhe konsolidimin e institucioneve të shtetit ligjor”. Bujar Kaloshi është nderuar edhe me titullin “Pishtari i Demokracisë” dhe “Martir i Demokracisë”. Bujar Kaloshi u vra nga banda kriminale në mëngjesin e së premtes së zezë, datës 26 korrik 1996, me armë zjarri në rrugën përpara shtëpisë së tij në “Fushén e Aviacionit” në Tiranë.
I ndjeri Pjetër Arbnori ka lënë një apostulat: “Qeverisemi nga bijtë e atyre që na burgosën”
Mandela i Shqipërisë sa ishte gjallë kishte bërë thirrje, kur erdhën në pushtet ata që ai i quante “Specialista dhe jo Socialista”. Arbënori pati kërkuar që me votën e lirë të mund të hiqen nga pushteti ata që aktualisht janë bijtë e atyre, të cilët kanë burgosur atë dhe bashkëvuajtësit e Kaloshit.
“Do të doja të flisja për Bujar Kaloshin që e kam dashur sikurse e keni dashur edhe ju bashkëvuajtësit e mi, por më duhet të flas më tepër për të përndjekurit politikë, ka thënë i ndjeri Pjeter Arbnori, duke shtuar:
“Ne luftojmë dhe do ta vazhdojmë luftën për atë që na takon. Vetëm të kemi parasysh një gjë: në pushtet janë bijtë e atyre që na kanë futur nëpër burgje ose të afërmit e atyre që na kanë futur nëpër burgje dhe mos mendoni që beteja jonë fitohet lehtë, mos mendoni që të drejtat tona fitohen aq lehtë”, është shprehur Arbnori.
Gjithashtu, Arbnori ka menduar se vrasja e Bujar Kaloshit është dhe një mësim për bashkëvuajtësit, një mësim për ata që kanë vuajtur, mësim për ata që kanë dashur dhe duan demokracinë, sepse të përçarë nuk ecet, sepse sot e keqja është e bashkuar, kundër atyre që aspirojnë për demokraci e prosperitet.
Mos e harroni Bujar Kaloshin!
Linçon kjo thirrje sot duke kujtuar atë të Premte e zezë e 26 korrikut të vitit 1996, kur duart kriminale të trashëgimtarëve të etërve sadistë komunistë, qëlluan zemrën e këtij djaloshi. Ditën kur ato plumba nuk goditën vetëm zemrën e Bujarit. Ato goditën zemrat e mijra të përndjekurve politikë, në të katër anët e atdheut tonë të martirizuar. Goditja ishte preludi i asaj që po përgatitej prej kohësh, përmbysja e fitoreve të demokracisë së porsalindur dhe rivendosja e pushtetit të ish komunistëve. Kjo gjë u realizua një vit më vonë, nëpërmjet rebelimit të armatosur të vitit 1997.
28 vjet pas vrasjes: Personifikim njeriut të vendosur për të zbatuar ligjin
Pas fitores së demokracisë familja e Bujarit, Xhevdeti, Shkurta dhe fëmijët (dy djem e dy vajzat) u vendosën në një lagje periferike në Tiranë,” Fusha e Aviacionit”. Bujari për aftësitë dhe shkollimin e lartë u emërua drejtor i personelit në Policinë Financiare dhe më pas derisa u vra Drejtor i Përgjithshëm i Burgjeve. Postet e ngarkuara nga qeveria demokratike, për aq sa shërbeu, i konceptoi si një detyrë me ndërgjegje të lartë kombëtare, si obligim i njërit prej përfaqësueseve të kësaj shtrese, për pastrimin e shtetit demokratik nga njerëzit e korruptuar e të inkriminuar, nga nostalgjikët e regjimit të vjetër dhe të depërtuarit aty nga radhët e ish-Sigurimit të Shtetit.
Bujari Kaloshi, për aq sa i kontribuoi demokracisë së brishtë në Shqipërinë post komuniste, përfaqësonte me të gjitha vetitë figurën e zyrtarit të ndershëm e korrekt, të përkushtuar e të disiplinuar si rrallë kush tjetër. Ai personifikonte njeriun e vendosur për të zbatuar ligjin dhe mbrojtjen e ligjit deri në vdekje. I ndjeri Bujar Kaloshi është nderuar me Urdhrin e Lartë “Nderi i Kombit” me motivacionin:“Për kurajon e shfaqur në qëndresën ndaj diktaturës komuniste në Shqipëri,për kontributin e çmuar në vendosjen e demokracisë dhe konsolidimin e institucioneve të shtetit ligjor”. Bujar Kaloshi është nderuar edhe me titullin “Pishtari i Demokracisë” dhe “Martir i Demokracisë”.
Krimi i pandëshkuar, apel për bashkëvuajtësit
Vrasja e Bujar Kaloshit, padyshim që ishte dhe mbetet një krim i shëmtuar, i një dore vrastare që i merrte urdhrat nga kupola e kuqe. Por, kjo vrasje e kryer nga eksponentët më famëkeqe të Organizatës kriminale “Hakmarrja për Drejtësi” ishte njëherazi dhe një mësim për bashkëvuajtësit, një mësim për ata që e kanë kaluar mbi “shpinën” e tyre egërsinë e regjimit komunist. Ishte dhe mbetet mësim për ata që kanë dashur e duan demokracinë, dhe qeverisjen demokratike. Ajo (vdekja) paraqitej edhe si simbol për t’u bashkuar kundër atyre që nuk e duan demokracinë e prosperitetin e Shqipërisë, por ëndërrojnë ende regjimin komunist. Krimi i pandëshkuar mbetet apel për bashkëvuajtësit e Bujar Kaloshit.
…Persekutimi i familjes “Kaloshi” dhe i të afërmëve të saj nga diktatura komuniste e ka zanafillën që në vitin 1946. Bujar Kaloshi, lindi në 1956 në Grabjan – Lushnje, aty ku edhe kreu shkollën fillore, tetëvjeçare dhe të mesme, pa iu dhënë ndonjëherë e drejta, si biri e një familje të persekutuar, të vijonte studimet e larta. Me fillimin e lëvizjes demokratike në vend, ai shumë shpejtë u bë njëri prej nismëtarëve dhe organizatorëve të proceseve demokratike në Lushnje, themelues i Partisë Demokratike në qytetin e Lushnjes. Mbas ardhjes së demokracisë u emrua Drejtor i Departamentit të Policisë Financiare. Më 1995, pasi përfundoi studimet dhe u diplomua në Fakultetin e Drejtësisë dhe Kolegjin Ushtarak (Law Faculty and Military College) u emërua Drejtor i Përgjithshëm i Burgjeve me gradën Kolonel.
Koha për ndëshkimin e bandës kriminale që vrau Bujar Kaloshin
Zbardhja e aktit terrorist të vrasjes së kolonelit Bujar Kaloshit, më 26 korrik 1996 – edhe sot, 28 vjet mbas saj ajo është thirrje për drejtësi.., është apel për ndëshkimin ligjor që duhet të marrë banda kriminale e inkuadruar në të ashtuquajturën Organizata “Hakmarrja për Drejtësi” .
Në këtë 28 vjetor të vrasjes, figura e Bujar Kaloshit duhet kujtuar në piedestalin e figurave të ndritura të kombit. Sepse, ai u vra në mbrojtje të shtetit ligjor që vetëm një vit më pas, gjatë rebelimit të armatosur mafiozo-komunist të ’97-tës do të shkërmoqej që nga themelet për t’u rimarrë me armë nga të pinjollët e sistemit më gjakatar të njerëzimit.
Më shumë se kurrë, sot është koha për ndëshkimin e bandës krinimale që vrau kolonel Bujar Kaloshin.
Është koha e të kërkuarit falje, e të të gjithë atyre që fshihen e mbijetojnë në pentukun e atyre krimeve të diktaturës në Shqipëri ku zyrtarisht janë ekzekutuar 5 577 burra dhe 450 gra. Janë dënuar 26 768 burra dhe 7 367 gra. Kanë vdekur në burg 1 065 persona. Kanë humbur aftësinë mendore 408 vetë. Kanë vdekur në internim 7 022 vetë. Në 50 vjet diktaturë komuniste, nga kjo shtresë janë kryer 914 000 vite burgu dhe 256 146 vite internim.