Britney Spears u kundërpërgjigj pasi nëna e saj ndau screenshotet e mesazheve të tyre, pasi ylli i popit pretendoi se e ëma nuk u ishte përgjigjur mesazheve të saj.
“Mami a ua ke bërë të ditur njerëzve edhe se është një nga të vetmet herë që më kthen mesazhe???” kështu e filloi Spears një mesazh për Lynne Spears në Instagram përpara se të vazhdonte me akuzat se ajo ia kishte ndaluar edhe kafeinën. “A u tregove njerëzve se si e fshihje kafen çdo mëngjes??? A u the atyre se çdo mëngjes që përpiqesha të gjeja kafe, nuk kishte foto të mia në kuzhinë, vetëm Maddie dhe Jamie Lynn???” vazhdoi ajo, duke iu referuar mbesës dhe motrës së saj. “Çdo mëngjes vendosja një foto timen pranë jush… dhe çdo mëngjes ju e hiqnit para se të zgjohesha!!!”
Këngëtarja vazhdoi të pretendonte se ndërsa ajo nuk mund të kishte çelësat e makinës së saj, e ëma përdorte shtëpinë e saj në plazh dhe e detyronte atë për 3 takime në javë në një grup alkoolistësh anonimë kur ajo e urren alkoolin.
“A u tregove kur filloi konservatori për herë të parë se ti dhe gruaja e [vëllait] Bryan dilnit çdo natë, pinit verë dhe bënit foto kur unë nuk mund të shkoja askund apo të kisha të dashur???” vazhdoi Britney.
Këngëtarja shpjegoi se një natë para se të dërgohej në një institucion të shëndetit mendor në vitin 2019, ajo kuptoi se Lynne i kishte të gjitha të planifikuara, ndërsa veproi sikur nuk e kishte idenë se çfarë po ndodhte.
“Dy javë më vonë nxore një libër dhe tregove dhimbjen time kur Kevin [Federline] mori fëmijët e mi… ti abuzove me mua…”
Postimi i gjatë mori një koment afirmues nga asistentja personale e Britney, Victoria “Vicky T” Asher, e cila u përgjigj: “E vërteta jote ka rëndësi”.
Britney këmbënguli që nëna e saj nuk iu përgjigj mesazheve me tekst që shprehnin shqetësimin për shtimin e ilaçeve, ndërsa Lynne pretendoi se ajo, në fakt, u përgjigj.
