Presidenti Recep Tayyip Erdoğan dhe kryeministri britanik Rishi Sunak kanë rënë dakord të thellojnë shkëmbimin e inteligjencës dhe bashkëpunimin në luftën kundër terrorizmit, transmeton Anadolu.
Në një deklaratë të bërë nga Zyra e Kryeministrit britanik, Sunak, i cili u takua me presidentin Erdoğan në Samitin e NATO-s në Vilnius, kryeqyteti i Lituanisë, përshëndeti mbështetjen e Türkiyes për anëtarësimin e Suedisë në NATO dhe përgëzoi Erdoğanin për përpjekjet e tij.
Në deklaratë u theksua se të dy liderët riafirmuan vendosmërinë e tyre të përbashkët për të garantuar që marrëdhëniet Britani-Türkiye të arrijnë potencialin e tyre të plotë bazuar në lidhjet tregtare në rritje dhe bashkëpunimin e fortë të mbrojtjes dhe sigurisë.
Në deklaratë, ku vlerësohet edhe vizita e fundit e presidentit ukrainas Volodymyr Zelenskiy në Türkiye, theksohet se liderët ranë dakord edhe për rëndësinë e zgjatjes së Marrëveshjes së Drithit të Detit të Zi.
Në deklaratë theksohet se presidenti Erdoğan dhe kryeministri Sunak vendosën të qëndrojnë në kontakt të ngushtë.
