Përfaqësuesi i Lartë i BE-së për Marrëdhëniet me Jashtë dhe Politikat e Sigurisë, Josep Borrell zhvilloi një takim me ministrin e Jashtëm të Türkiye-s, Mevlüt Çavuşoğlu dhe shprehu falënderimet ndaj Türkiye-s për rolin e saj në vazhdimin e marrëveshjes së Iniciativës së Drithit në Detin e Zi, transmeton Anadolu Agency (AA).
Borrell u takua me Çavuşoğlun në Emiratet e Bashkuara Arabe (EBA) ku mbahet Forumi “Sir Bani Yas”.
Në një deklaratë nga media sociale lidhur me takimin, Borrell njoftoi se ka shprehur falënderimet për shkak të rolit të Türkiye-s në marrëveshjen që siguron dërgimin e drithit ukrainas në botë.
Shefi i diplomacisë evropiane theksoi se falë marrëveshjes synohet parandalimi i përdorimit të ushqimit si armë dhe zgjidhja e krizës globale të ushqimit.
Duke vënë në dukje se me Çavuşoğlun kanë biseduar edhe për çështje të tjera në interes të përbashkët, Borrell tha se në mesin e tyre është edhe situata në Mesdheun Lindor.
Burimi: GAZETA.MK
