Ndërsa pritej prej disa javësh, rrjeti social X e bëri zyrtare: bllokimi në rrjetin social të Elon Musk, njohur më parë si Twitter, nuk do të bllokojë në të vërtetë të tjerët nga shikimi i përmbajtjeve tuaja dhe një valë tjetër largimesh ka nisur.
Tani një bllokim në X do të thotë se përdoruesi i bllokuar nuk mund të ndërveprojë me postimet tuaja. Por ata mundet që ti shohin ende, ndërsa në të kaluarën diçka e tillë nuk ka qenë e mundur.
Ndryshimi i mënyrës së funksionon butoni i bllokimit është pritur me reagime negative, përfshirë nga mbështetësit më të fortë të Elon Musk.
Ka mjaftuar që ky ndryshim të nisë një valë largimesh nga platformat e medias sociale. Alternativa e X, Bluesky, tha ditën e Enjte se kishte fituar gjysmë milionë përdorues të rinj në 24 orë që kur X e bëri publik lajmin.
Buesky është vetëm një prej alternativave të X që kanë gjetur sukses që kur Musk mori kontrollin e Twitter. Është platforma e tretë më e madhe e mikroblogimit pas X dhe Threads të Meta.
Megjithatë ndryshe nga këta dy të fundit, Bluesky e reklamon vetën si një platformë e decentralizuar e medias sociale. /PCWorld Albanian
Burimi: pcworld.al
