Vladimir Putin ka paraqitur ato që ai tha se ishin parakushtet e Rusisë për fillimin e bisedimeve të paqes me Ukrainën.
Ai tha se Rusia do të ishte gati për bisedime të tilla “nesër” nëse trupat ukrainase tërhiqen nga rajonet Zaporizhzhia, Kherson, Donetsk dhe Luhansk dhe nëse Ukraina heq dorë nga planet e saj për t’u bashkuar me NATO-n.
Nëse Ukraina do të pranonte këto kushte, ai tha se Rusia do të pushonte zjarrin dhe do të fillonte negociatat.
” Kushtet janë shumë të thjeshta! Forcat ukrainase duhet të tërhiqen plotësisht nga rajonet Donetsk, Luhansk, Kherson dhe Zaporizhzhia.”
Ai vazhdoi duke thënë: “Sapo Kievi thotë se ata janë gati për një vendim të tillë dhe të fillojnë tërheqjen reale të forcave nga këto rajone dhe të deklarojnë zyrtarisht refuzimin e planeve për t’u anëtarësuar në NATO, nga ana jonë, menjëherë, fjalë për fjalë në të njëjtën minutë, do të vijë një urdhër për të ndalur zjarrin dhe për të nisur negociatat.
Ne do ta bëjmë atë menjëherë. Natyrisht, ne do të garantojmë tërheqjen e pandërprerë dhe të sigurt të forcave ukrainase.”
Duhet të theksohet se Volodymyr Zelensky është zotuar të çlirojë të gjitha rajonet e pushtuara nga kontrolli rus, dhe vetë tha se të gjitha forcat ruse duhet të largohen nga Ukraina si kusht për çdo marrëveshje paqeje.
Putin ka thënë gjithashtu se avancimi i ushtrisë së tij drejt kryeqytetit ukrainas Kiev në vitin 2022 kishte për qëllim që të detyronte Ukrainën të pajtohej me një marrëveshje paqeje.
Ai tha se nuk kishte asnjë qëllim për të sulmuar Kievin.
Burimi: botasot.info
