Kryetari i Qeverisë së Republikës së Maqedonisë së Veriut, Dimitar Kovaçevski, sonte në telefon ka biseduar me këshilltarin e Departamentit të Shtetit, Dereck Chollet, në prani të ministrit të Punëve të Brendshme, Oliver Spasovski, drejtorit të Agjencisë për Siguri Kombëtare, Zarko Milloshevski dhe ambasadores së SHBA-së në vend Angela P. Ageler.
Kryeministri Kovaçevski, siç thonë nga qeveria, i ka shprehur mirënjohje të madhe Departamentit të Shtetit për mbështetjen e konsiderueshme nga SHBA-të në të gjitha momentet kyçe dhe proceset e rëndësishme për vendin.
“Në bisedën me përfaqësuesin e lartë nga Departamenti i Shtetit, Chollet, kryeministri Kovaçevski theksoi se një nga prioritetet kryesore të politikës së jashtme të vendit tonë është ruajtja e paqes dhe stabilitetit në Ballkanin Perëndimor, për të cilin Maqedonia e Veriut jep shembull aktiv përmes politikave, dialogut dhe respektimit të planit të brendshëm dhe në marrëdhëniet e fqinjësisë së mirë. Kryeministri Kovaçevski dhe këshilltari i Departamentit të Shtetit, Chollet, biseduan për disa çështje aktuale, ku u vlerësua se Maqedonia e Veriut është një vend progresiv dhe u shpreh mbështetja e plotë për integrimin evropian të Republikës së Maqedonisë së Veriut, si çështje kombëtare , rëndësia rajonale dhe evropiane, si dhe pritshmëria që ajo të njihet edhe nga publiku i gjerë politik dhe shoqëror”, thuhet në kumtesën e Qeverisë së RMV-së.
