Binance US dhe CEO i saj u paditën ditën e Marte nga një qytetar Amerikan me pretendimet se kompania kishte reklamuar TerraUSD si një aset të sigurte vlera e së cilës mbështetej në valutë.
Vlera e TerraUSD kolapsoi në Maj duke shkaktuar humbje të mëdha për investitorët të cilët i besuan klasifikimit të saj si një stablecoin që duhej të mbante vlerën e 1 dollari për monedhë.
Ndryshe nga stablecoin që mbështeten nga asete fizike, TerraUSD është një stablecoin algoritmik që nuk mbështetej në para prej letre. Përkundrazi mbështetej nga një kriptomonedhë e quajtur Luna dhe një mekanizëm që mbante vlerën e saj në 1 dollarë.
Investitorët hodhën para në TerraUSD nisur nga mundësia për të përfituar nga programi i kredidhënies Anchor duke ju premtuar rikthim 20% të investimeve për depozitat në monedhë.
Mekanizmi i Terra dështoi të ruante vlerën dhe aktualisht këmbehet në më pak se 1 cent. Padia e Jeffrey Lockhart mund të regjistrohet si një padi në emër të të gjithë investitorëve që blenë Terra nga Binance. /PCWorld Albanian
