Një tragjedi familjare është regjistruar në Rusi, ku një familje prej 4 anëtarësh kanë rënë në një greminë prej 230 metrash dhe më pas humbën jetën.
Turistët rusë ishin Rustam Gabinov, 38 vjeç, gruaja e tij Alfina dhe dy fëmijët e tyre të moshës 10 vjeç dhe 8 vjeç.
Familja ishte duke udhëtuar afër një pike turistike në ujëvarën ruse, teksa u përballën me një mjegull dhe nga pamundësia për të parë mirë përfunduan në greminë, raporton DailyMail.
Makina u filmua duke lëvizur drejt skajit të kanionit Tsolotlinsky në republikën malore të Dagestanit, në Rusinë jugore, mes kushteve atmosferike të pushtuar nga mjegulla.
Autoritetet policore lokale raportuan: “Oficerët e policisë, shpëtimtarët dhe vullnetarët nga banorët lokalë po punojnë në vendin e tragjedisë. Po përcaktohen arsyet dhe rrethanat e incidentit”.
