Çmimet e naftës ranë të enjten për shkak të shqetësimeve se lufta tregtare e presidentit amerikan, Donald Trump do të ngadalësojë ekonominë botërore dhe se OPEC po ofron shumë furnizime.
Futurat e naftës amerikane ranë me 7 për qind, duke arritur në 66.52 dollarë për fuçi, duke e lënë naftën në rrugën për ditën e saj më të keqe që nga korriku i vitit 2022. Nafta Brent, ra me 6 për qind.
OPEC+ befasoi investitorët të enjten duke njoftuar se Arabia Saudite, Rusia dhe gjashtë anëtarë të tjerë ranë dakord për të përshpejtuar ndjeshëm rritjen e prodhimit të parashikuar që nga muaji maj, shkruan cnn.
Hapi i papritur i OPEC+ shtoi shqetësimet për pasojat ekonomike të rritjes masive të tarifave të Trumpit.
“Kjo është një ngjarje shkatërruese e kërkesës dhe do të ndërpresë zinxhirin e furnizimit. Tregu është i shqetësuar për kërcënimin e recesionit, inflacionit dhe papunësisë”, tha Robert Yawger, drejtor ekzekutiv në Mizuho Securities, për CNN të enjten.
Nëse lufta tregtare që po intensifikohet ngadalëson fluksin e mallrave dhe shërbimeve, kjo do të dëmtojë kërkesën për energji, si nafta bruto.
“Lajmi i mirë është se çmimet në pompa do të ulen. Por nëse hyjmë në recesion, nuk do të shkoni aq shpesh në pompë”, tha Yawger.
Ndryshe, SHBA-ja vendosi tarifa të ndryshme për shtete duke përfshirë edhe Kosovën me 10 për qind.
Burimi: botasot.info
