Presidenti i SHBA-së Joe Biden emëroi Lise Grande si të dërguarën speciale për çështjet humanitare në Lindjen e Mesme, sipas Departamentit të Shtetit të enjten.
Grande, kryeshefe ekzekutive dhe presidente e Institutit të Paqes të Shteteve të Bashkuara dhe diplomate veterane e OKB-së, do të zëvendësojë David Satterfield në pozicionin e krijuar një javë pas sulmit të Hamasit më 7 tetor kundër Izraelit, për të adresuar krizën humanitare në Gaza.
Grande ka gati tre dekada përvojë jashtë shtetit duke punuar për OKB-në në Afrikë dhe Lindjen e Mesme, përfshirë pozitën e udhëheqëses së operacioneve humanitare dhe zhvillimore të OKB-së në Jemen dhe nënkryetare e misionit politik të OKB-së në Irak.
Satterfield do të shërbejë në Departamentin e Shtetit si këshilltar i lartë.
