Sali Berisha thotë se mes kryeministrit Edi Rama dhe Belinda Ballukut ka tashmë një tension real, të cilin e lidh drejtpërdrejt me zhvillimet pas arrestimit të Ergys Agasit.
“Tani, këto ditë, mësoj që ka një tension real midis Edi Ramës dhe Belinda Ballukut dhe ky tension real është rezultat i arrestimit të Ergys Agasit, ku thuhet se dora e zezë e Lubisë është prapa atij arrestimi. Në këtë kuadër, ka mundësi që Edi Rama të shohë qartë tani se kabineti ekzistues nuk është më Rama-Balluku, por Balluku-Rama. Unë po i ndjek me shumë interes dhe këto pakënaqësi në klanin e tyre mafioz”, deklaroi Berisha.
Deklarata e kreut të PD-së sjell për herë të parë në këtë formë pretendimin për tension në një prej raporteve politike më të rëndësishme brenda qeverisë.
Nëse një raport që për vite është konsideruar ndër më të qëndrueshmit brenda mazhorancës ka filluar të prodhojë pakënaqësi, pikëpyetje apo kosto politike për Kryeministrin, atëherë çështja shkon përtej një episodi të opozitës kundër qeverisë.
Nëse pozicioni i Ballukut po prodhon kosto politike për Ramën, raporti mes tyre hyn në një fazë të re politike.
Burimi: botasot.info
