Nga takimi me banorët e zonës së Fushës së Aviacionit në Tiranë, Kryetari i PD, Sali Berisha, ka ftuar këtë të premte në një debat kryeministrin Edi Rama.
Berisha tha se, nëse ka dëshirë, Rama do të ftohet për këtë debat, me qëllim që t’i tregojnë programin qytetarëve shqiptarë.
“Unë nuk kam dëshirë ta takoj kurrë atë njeri, por e ftoj të dalim në debat para qytetarëve”, tha Berisha.
“Lëri ato monologjet çdo mëngjes me zhapa e hardhuca. Urdhëro, zotëri, të dalim, si të kesh dëshirë, me gazetarë, pa gazetarë, me qytetarë, pa qytetarë, urdhëro zotëri të paraqesim programin tonë për qytetarët tanë dhe për Shqipërinë. Nuk vjen, nuk vjen dot, sepse miq, unë kam kuptuar që ai ka frikë nga vetja e tij. Ai, nga mëngjesi deri në darkë, beson gënjeshtrat e tij. Nxjerr një pasaportë, e prodhuar falas falë asaj reforme që bëri dhe thotë: ja pasaporta evropiane, por harron se ADN e integrimit është ADN e PD-së”, tha Berisha.
Burimi: botasot.info
