Karim Benzema po vazhdon me formën e lartë. Ai ka shënuar sërish për t’ia siguruar një fitore të madhe Real Madridit.
“Los Blancos” fituan sonte në udhëtim te Sevilla me rezultatin 2:3, duke bërë një hap të madh drejt titullit të kampionit.
Karim Benzema shënoi golin e fitores për madrilenët në minutën 90+2.
Për sulmuesin francez ishte ky goli i 25-të në La Liga këtë sezon, që është një rekord personal për të.
Për 34-vjeçarin është hera e parë që e arrin këtë shifër të golave, që prej transferimit të tij te Real Madridi në vitin 2009.
2015/16 ishte sezoni më i mirë për Benzeman, kur ai kishte shënuar 24 gola.
