Benjamin Sesko ka ‘vendosur’ se cilit klub të Premier Leagues dëshiron t’i bashkohet
Manchester United dhe Newcastle United po ndjekin nga afër situatën e Benjamin Sesko këtë verë.
Sulmuesi i RB Leipzig është objektiv i të dy klubeve, ndërkohë që pritet një largim i tij gjatë merkatos së verës.
Sesko ka tërhequr vëmendjen e shumë skuadrave këtë verë pas një sezoni mbresëlënës në Bundesliga.
22-vjeçari realizoi 21 gola në 45 ndeshje në të gjitha garat sezonin e kaluar, pasi kishte shënuar 18 gola në sezonin debutues në elitën e futbollit gjerman pas transferimit nga Red Bull Salzburg.
Manchester United dhe Newcastle janë të dy të interesuar për ta forcuar repartin ofensiv përpara fillimit të sezonit të ri.
Megjithatë, sipas Jan Aage Fjortoft, Manchester United ka një avantazh ndaj Newcastle, pasi vetë Sesko dëshiron të transferohet në “Old Trafford”.
Burimi: botasot.info
