Në kohën kur luante te Real Madridi, Zinedine Zidane, ka qenë lojtari i preferuar për çdo tifozë, por edhe për Jude Bellinghamin dhe shumë futbollistë tjerë. 21-vjeçari Bellingham është krenar që e mban numrin pesë në fanellë, numër të cilin si lojtar i Realit e mbante Zidane.
Zidane është legjendë e futbollit francez por edhe e skuadrës së Realit dhe Juventusit.
Te “Los Blancos” francezi Zidane ka qenë edhe trajner shumë i suksesshëm.
“Kam thënë në shumë intervista se sa shumë e admiroi Zinedine Zidanen.
Zidane ishte lojtari im i preferuar i Real Madridit. Jam vërtet krenar që mbaj numrin e tij”, ka thënë Bellingham, shkruan të hënën Fabrizio Romano.
Fanellën me numrin pesë te Reali e kanë mbajtur edhe shumë futbollistë të njohur si Raphael Varane, Fabio Cannavaro, Antonio Ruiz, Nuri Shahin dhe Manolo Sanchis.
Burimi: botasot.info
