Një marrëveshje paraprake raportohet se është arritur mes Liverpoolit dhe Benficas për yllin argjentinas, Enzo Fernandez.
“Express Sport” i ka konfirmuar lajmet nga Argjentina që sugjeronin se Fernandez pritet t’i bashkohet Liverpoolit.
Jurgen Klopp është i detyruar që të bëjë disa transferime në mesfushën e Liverpoolit, pasi që skuadra e tij nuk po mund ta rigjejë formën këtë sezon.
Është e qartë që në bazë të paraqitjeve të deritanishme të Liverpoolit në sezonin 2022/23, gjiganti anglez po çalon në një repart kyç, mesfushën.
Si pasojë e kësaj, sugjerohet se Klopp dhe ekipi i tij i rekrutimit dëshirojnë me çdo kusht përforcime në skuadër në repartin e mesfushës.
Jude Bellingham, i cili padyshim ishte ndër lojtarët kyç të Anglisë në Kupën e Botës, lidhet vazhdimisht me një transferim në “Anfield Road”, dhe Liverpooli është favoriti kryesorë për ta transferuar yllin e Borussia Dortmundit.
Sipas shefit të sportit në “SportBild”, Christian Falk, një transferim te Liverpooli është shumë, shumë afër për Bellinghamin.
Ndërkaq, Sofyan Amrabat, një tjetër mesfushor qendror i cili ka impresionuar me paraqitjet e tij në Katar, po shihet si opsion i mundshëm për Liverpoolin.
Kur Amrabat u pyet nga një tifoz nëse ai do i bashkohej gjigantit anglez, tifozi kishte thënë se Amrabat kishte buzëqeshur duke iu përgjigjur: “Liverpooli është një ekip fantastik”.
Është e qartë se treshja, Enzo Fernandez, Bellingham dhe Amrabat janë top synimet e Livrpoolit, kështu që “GIVEMESPORT” ka vendosur që ta bëjë një formacion të ri se si mund të duket Liverpooli me blerjet e reja, dhe ai duket shumë i frikshëm.
Më poshtë mund ta gjeni formacionin e frikshëm të Liverpoolit nëse transferon Bellignham, Enzo Fernandez e Amrabat.
Portier: Alisson Bekcer
Mbrojtësit: Trent Alexander-Arnold, Ibrahima Konate, Virgil van Dijk, Andy Robertson
Mesfushorët: Sofyan Amrabat, Jude Bellingham, Enzo Fernandez
Sulmuesit: Mohamed Salah, Darwin Nunez, Luis Diaz
