Belgjikë, zjarrfikësit protestojnë për kushte më të mira pune

Zjarrfikësit në Belgjikë organizuan një demonstratë duke kërkuar kushte më të mira pune dhe të drejta në lidhje me pensionet, raporton Anadolu Agency (AA).

Zjarrfikës nga qytete të ndryshme të vendit u mbledhën në kryqëzimin mes rrugës Arts-Loi dhe Bulevardit Regent në qendër të Brukselit.

Demonstruesit, të cilët ndërprenë trafikun e mëngjesit të qytetit, kërkuan nga qeveria uljen e moshës së pensionit, e cila aktualisht është 67 vjeç.

Duke u shprehur se janë gjithnjë e më shumë të ekspozuar ndaj dhunës gjatë punës së tyre në terren, demonstruesit u ankuan për mungesë të personelit ndërsa numri i ndërhyrjeve është rritur.

Demonstruesit sot do të takohen me ministren e Brendshme Annelies Verlinden.