Deputeti i koalicionit VLEN, Bekim Sali ka përkujtuar 15 vjetorin e vdekjes së Komandat Kushtrimit- Harun Aliut. Sali shkruan se emri i tij do të jetojë përherë në historinë e qëndresës sonë kombëtare.
“Në kujtim të një figure të pavdekshme të rezistencës shqiptare, Komandant Kushtrimit – Harun Aliut, një emër që do të jetojë përherë në historinë e qëndresës sonë kombëtare.
Ai nuk e zgjodhi rrugën e lehtë, por atë të drejtës dhe të lirisë. Harun Aliu nuk ishte vetëm një ushtar i UÇK-së, por simbol i vendosmërisë dhe sakrificës.
Le të jetë kujtimi për të një burim frymëzimi për brezat që vijnë. Kombi nuk harron bijtë që dhanë gjithçka për të – ashtu si Komandant Kushtrimi”, ka shkruar deputeti Sali.
Burimi: alfax.mk
