Shkëndija e Tetovës nesër synon fitore në kuadër të javës së 14-të të Kampionatit të Maqedonisë së Veriut në futboll.
Tetovarët kanë përparësinë e fushës dhe presin tre pikë.
Ndeshja luhet në orën 13.00 në stadiumin e qytetit në Tetovë.
Trajneri i Shkëndijes Qatip Osmani, tregon edhe për mungesat.
“Bejtullai mungon ndaj Akademia Pandevit shkaku i lëndimit. Pritet nga e hëna të na bashkangjitet në seancat stërvitore. Dita është i pezulluar dhe nuk e kemi të dielën.
Lojtarët tjerë duken të gatshëm për lojë”, thotë Osmani.
Shkëndija renditet në vend të dytë me 23 pikë dhe Akademia Pandev në të 10-tin me 8.
