Ish-portieri i Manchester United dhe Irlandës së Veriut, Roy Carroll, bëri një rikthim të papritur në futboll, pasi rinisi karrierën e tij te klubi i tij i fëmijërisë, Ballinamallard United.
Fatkeqësisht për Carrollin, aventura e tij te Ballinamallard nuk shkoi sipas planit, pasi 45-vjeçari u detyrua të largohej i lënduar pas 36 minutash lojë, përpara se skuadra e tij të humbiste 4:0 ndaj Annagh United në Kampionatin e Ligës së Futbollit të Irlandës së Veriut (NIFL).
Carroll, i cili luajti për Manchester United, Wigan dhe West Ham mes shumë klubeve të tjera, u rikthye nga pensionimi për Ballinamallard, në një rast urgjent pasi klubi u godit nga lëndimet.
Trajneri i portierëve i veshi dorezat në një paraqitje që erdhi pothuajse 30 vjet pasi ai bëri debutimin e tij për Ballinamallard United.
Caroll bëri 45 paraqitje për Kombëtaren e Irlandës së Veriut dhe ka luajtur në të gjitha pjesët e botës duke përfshirë në atdheun e tij, Anglinë, Skocinë, Francën dhe madje edhe Greqinë.
