Bashkimi Evropian (BE) dënoi tentativën për sulm me bombë ndaj kryeprokurorit publik të Bullgarisë, Ivan Geshev, transmeton Anadolu.
Një nga zëdhënëset e Komisionit Evropian (KE), Anitta Hipper tha se BE-ja dënoi ashpër tentativën e djeshme për sulm ndaj Geshevit dhe familjes së tij. Ajo e përshkroi sulmin si “një akt dhune të pakuptimtë dhe frikacak që nuk ka vend në shoqërinë evropiane”.
“Ne presim që autoritetet bullgare të nxjerrin para drejtësisë autorët e këtij akti të urryer me shpejtësi dhe vendosmëri. Sigurisht, në këtë fazë ne nuk do të spekulojmë për ndonjë motiv pas sulmit”, tha Hipper.
– Ngjarja
Kolona ku ndodhej Geshev dhe familja e tij, dje ishte shënjestër e një sulmi me bombë pranë kryeqytetit Sofje.
Në lidhje me sulmin, i cili nuk ka shkaktuar viktima, ka nisur një hetim nën dyshimin për terrorizëm.