Bashkimi Demokratik për Integrim sot përmes Konferencës për media shpalosi të dhëna skandaloze për krimin më të madh në dekadën e fundit nëpërmjet të keqpërdorimit dhe shfrytëzimit të institucioneve.
Të bashkangjitur ua dërgojmë fjalimin dhe linkun nga Konferenca për media.
Bashkimi Demokratik për Integrim dje shpalosi të dhëna skandaloze për krimin më të madh në dekadën e fundit nëpërmjet të keqpërdorimit dhe snfrytëzimit të institucioneve.
Dje zbuluam që monopoli i bixhozit në shtet i kontrolluar nga kompania private serbo-bulgare e ka finansuar drejtorin e ri të Lotarisë Klimovski me mbi 140.000€, ndërsa për vete kanë fituar mbi 100 milion Euro në kurriz të shtetit dhe qytetarëve.
Këtë përfitim, kompania e preferuar serbo-bulgare e Izet Mexhitit dhe Arben Taravarit, e ka arritur me një Kontratë tërësisht joligjore.
Për një depozitë prej vetëm 1 milion eurosh, pa pëlqimin e Komisionit për Mbrojtjen e Konkurrencës, kompanisë private serbo-bullgare i jepet monopoli, me mbrojtje shtetërore, dhe i mundësohet fitim prej mbi 100 milionë euro.
Në kontratën e themelimit të shoqërisë tregtare nuk parashikohet as kohëzgjatja e kontratës dhe as mënyra e përfundimit të saj.
Neni 17 i kontratës është plotësisht në kundërshtim me nenin 7 paragrafi 3 të Ligjit për lojërat e fatit.
Gjegjësisht, Ligji e obligon Lotarinë Shtetërore të Republikës së Maqedonisë me rastin e themelimit të një shoqërie të tillë tregtare, jo vetëm të ketë shumicë në kapital prej së paku 51%, por edhe në vendimmarrje.
Neni 17 i Kontratës parashikon që një sërë vendimesh (si ato për shpërndarjen e fitimit, përzgjedhjen e anëtarëve të bordit mbikëqyrës dhe drejtues…), duke përfshirë edhe Vendimin për ndryshimin e marrëveshjes së themelimit të shoqërisë, merren me shumicë 100% të votave të partnerëve.
Me dispozitën e konceptuar në këtë mënyrë në Kontratë, Lotaria Shtetërore e Republikës së Maqedonisë jo vetëm që nuk ka shumicë në vendimmarrje dhe rrjedhimisht mungesë kontrolli për shkak të interesit publik, por i jep të drejtën e vetos kompanisë private serbo-bullgare.
Kjo është e paligjshme, dëmton buxhetin, shkel ligjin dhe duhet që të anulohet menjëherë si dhe të bartet përgjegjësi.
Dhe, kur zbardhëm këto skandale marramendëse, në mbrojtje të kompanisë private serbo-bulgare doli, ashtu siç edhe e pritëm, VREDI.
Vredi dhe Izet Mexhiti bashkë me Arben Taravarin janë vënë në shërbim të plotë monopolit të kompanisë private serbo-bulgare dhe drejtorit të Lotarisë Aleksandar Klimovskit në industrinë e bixhozit sepse finansohen nga paratë e tyre.
Vredi i mashtroi shqiptarët, emëroi Amet Miftarin zëvendës drejtor në Lotari, nuk e mbylli asnjë kazino, bastore, slot klube, as edhe online lojërat e fatit, votoi kundër mbylljes së tyre në Kuvend dy herë rradhazi dhe vazhdon ti shërbejë verbësisht industrisë së bixhozit.
Burimi: TV KLAN
