Bashkimi Demokratik për Integrim nëpërmjet një kumtese ka përshëndetur marrëveshjen e arritur për rritjen e pagës minimale nga 15 140 denarë në 18 000 denarë që do të përfshijë rreth
80 000 punëtorë nga sektorë të ndryshme në tregun e punës të vendit tonë.
Nga BDI theksojnë se miratimi i kësaj mase ekonomike do të fillojë zbatimin e saj në fillim të muajit Prill duke përmirësuar kështu standardin jetësor të qytetarëve në momentin kur ata po përballen me krizë globale
“Rikujtojmë se nga viti 2014 kur paga minimale ishte vetëm 8.800 denarë, si rezultat i politikave të qeverisjes së mirë sot ajo shënon rritje të dyfishtë duke e bërë kështu vendin tonë prijës në mesin e vendeve të Evropës me lartësinë e pjesëmarrjes së pagës minimale në pagën mesatar”, thuhet në kumtesë.
BDI thekson se do angazhohen në vazhdimësi për implementimin e masave të zhvillimit ekonomik.
