Përmes një kumtese me shkrim, BDI i është përgjigjur Izet Mexhitit nga Koalicioni VLEN, në lidhje me thirrjet për reforma të brendshme. BDI thotë se janë reformuar si parti pikërisht me largimin e Izet Mexhitit nga radhët e tyre. – Kjo është dëshmi e përkushtimit tonë për pastrimin dhe forcimin e radhëve tona për të mbrojtur interesat e qytetarëve dhe për të siguruar politikë të pastër dhe të ndershme. Ata që sulmojnë BDI-në me deklarata të shkruara nga pronarët e tyre VMRO- DPMNE dhe të përkthyera në shqip, duhet të kuptojnë se përpjekjet e tyre janë të destinuara të dështojnë përballë përkushtimit tonë për integritet dhe përparim, thuhet në kumtesën e BDI-së.
Burimi: TV21
