Ankesa kryesore që kanë marrë drejtuesit e Bayern nga yjet e skuadrës është se klubi nuk jep garanci se mund të luftojë për çdo trofe. Davies, Kimmich dhe Musiala kanë disa muaj që kërkojnë angazhim serioz nga Bayern, që Champions League të jetë objektiv i përvitshëm.
Për këtë, Bayern nuk dëshiron të rrezikojë largimin e yjeve dhe ka një plan konkret për merkaton e verës. Bild shkruan se priten tri blerje të bujshme.
Pavarësisht rinovimit të Manuel Neuer, Bayern do të ketë një portier të ri për sezonin e ardhshëm.
Mund të rikthehet Nubel ose mund të blihet një portier premtues. Neuer nuk do të jetë titullar i padiskutueshëm.
Ndërkohë, Bayern do të investojë për një sulmues të dytë, i aftë për të zëvendësuar Harry Kane, por edhe për të luajtur në krahët e sulmit. Marmoush duket një emër bindës dhe nuk kushton më shumë se 60 mln euro.
Së treti, Bayern do të blejë një qendërmbrojtës të kalibrit botëror. Emrat opsionalë janë Araujo, Bastoni dhe Romero. Nëse shiten Gnabry, Sane dhe Coman, do të ketë ndërhyrje edhe në krahët e sulmit.
Burimi: botasot.info
