Një javë para startit të Bundesligës, Bayerni i Mynihut dhe Leipzigu do të luajnë ndeshjen e parë zyrtare të sezonit 2022-2023, që vlen njëkohësisht edhe trofeun e parë të sezonit, Superkupën e Gjermanisë.
Sfida starton në orën 20:30 në “Red Bull Arena” të Liepzigut, teksa janë publikuar edhe formacionet zyrtare, me Julian Nagelsmann që i ka besuar nga minuta e parë sulmuesit Sadio Mane, por jo holandezit De Ligt.
14’ – Goooool. Zhbllokohet sfida në “Red Bull Arena” dhe është Jamal Musiala që shënon golin e parë sezonal për Bayernin e Mynihut.
Pas zhvillimeve të një goditjeje nga këndi, mesfushori merr një top brenda zonës dhe gjuan saktë, duke mposhtur portierin Gulasci.
