Bastisje në tri lokacione në Pejë – arrestohen dy persona të përfshirë në një grup kriminal

1 minut lexim

Prokuroria Speciale e Kosovës ka arrestuar dy persona gjatë një bastisje që është realizuar në tre lokacione në Pejë.

Të njëjtit dyshohen për pjesëmarrje në një grup kriminal.

“Me kërkesë të Prokurorisë Speciale, Policia e Kosovës, ka realizuar një bastisje në tre lokacione në rajonin e Pejës, ku kanë arrestuar dy persona me inicialet K.K dhe A.M, për kryerje të veprave penale “Pjesëmarrja ose organizimi i grupit kriminal të organizuar” nga neni 277 paragrafi 1 të KPRK-së lidhur me veprën penale, “Detyrimi”, nga neni 328 paragrafi 2 lidhur me paragrafin 1 të KPRK-së”, thuhet në njoftimin e Prokurorisë Speciale.

Tutje në njoftim thuhet se me urdhër të Prokurorit të Prokurorisë Speciale, të njëjtit janë dërguar në ndalim për 48 orë, si dhe brenda afateve ligjore kohore do të bëhet kërkesë për caktim të paraburgimit ndaj dy të ndaluarve.

Story i mëparshëm

NATO mblidhet në qershor, fokusi Ukraina dhe Gaza

Story i radhës

Kryetari i një partie greke nga foltorja Parlamentare e grisi Marrëveshjen e Prespës

Të fundit nga