Bashkëshorti i parë i Jennifer Lopez tha se nuk do të zgjasë martesa e këngëtares me Ben Affleck.
Ojani Noa, 48 vjeç, pretendon se ish-gruas së tij “i pëlqen të jetë e dashuruar”, por humbet interesin pasi pasioni në martesën e saj fiket, raportoi Daily Mail.
Noa – i cili u takua me JLo-në kur ai ishte një refugjat kubanez në Miami – ndanë rrugët me njëri-tjetrin në vitin 1998.
“Ben është bashkëshorti numër katër. Unë isha bashkëshorti numër një dhe ajo më tha se isha dashuria e jetës së saj. Kur u shtrimë në shtrat natën e dasmës, ajo tha se do të ishim bashkë përgjithmonë”, tha ai për median.
Përveçse u martua katër herë, Lopez, 53 vjeçare, është fejuar gjashtë herë, duke përfshirë dy herë me aktorin e “Good Will Hunting”, me rreth 20 vjet diferencë.
“Nuk e kisha idenë se kush ishte ajo. Sytë tanë shikuan njëri-tjetrin dhe mendova se ajo ishte gruaja më e bukur që kisha parë ndonjëherë”, tha ai për takimin e parë me yllin e “Hustlers”.
“Ajo kishte veshur një bluzë të bardhë dhe pantallona, dhe mbaj mend që mendova se kishte trupin më të mirë që kisha parë ndonjëherë. Më vonë ajo më tha se e dinte që natën e parë do të martohej me mua”, kujton Noa.
Më vonë atë natë, dyshja festuan në një klub të quajtur Komuna, sipas Noa.
I njëjti tha më tej se besonte se marrëdhënia funksionoi sepse nuk i bëri përshtypje personazhi i saj i famshëm.
