Kjo është rruga Tetovë-Kodra e Diellit, që i lidhë shumicën e fshatrave të malësisë së Tetovës por edhe qytetin me pikën turistike. Siç mund të shihet, barishtet dhe shkurret rreth rrugës, kanë nisur të dalin në rrugë. Ish-kryetar i bashkësisë lokale të fshatit Shipkovicë, Zeqirja Qazimi, thotë se rruga është ngushtuar shumë dhe se dëmtohen automjetet që detyrohen të hyjnë në ferra.
Nga Ndërmarrja “Rrugët e Maqedonisë” thonë se për momentin janë duke i shënjuar vizëbardhat, ndërsa shumë shpejtë do të fillohet dhe me pastrimin e kësaj rruge.
Rruga Tetovë-Kodra e Diellit ka gjatësi rreth 20 kilometra. Banorët e Shipkovicës thonë se rrugën në fshatin e tyre e pastrojnë vetë ata, ndërsa pjesën tjetër duhet ta bëjë Ndërmarrja që e ka për detyrë.
Burimi: TV21
