Lista e lojtarëve të dëmtuar te Shqipëria para ndeshjeve të Ligës së Kombeve është e gjatë.
Së fundmi iu shtua edhe Keidi Bare. Frika është e madhe se mesfushori mund të mungojë për një periudhë afatgjatë.
Tashmë këtij lojtari i është bërë kontrolli për dëmtimin e tij, por ende nuk është zbardhur koha që do të qëndrojë larg fushave.
Pak buzëqeshje ka për Rejën pas rikthimit të një sulmuesi nga dëmtimi. Xhakomo Vrioni ka nisur që të stërvitet me grupin e plotë të skuadrës në MLS.
Vrioni do të mungonte për shumë ndeshje te Neë England Revolution, por tashmë ka mbërritur momenti për t’u rikthyer.
