Sekretari i PD Gazment Bardhi, ka deklaruar se sulmi i sotëm i ish-kryeministrit Sali Berisha ndaj SHBA është solidarizim me non gratat e Edi Ramës.
Bardhi ka përmendur ish kryebashkiakun e Durrësit, Vangjush Dako, dhe ish deputetin Tom Doshin, teksa Berishën e cilëson si shef politik i 6 kandidatëve të tjerë të Shtëpisë së Ilir Metës.
“2 nga 3 palët në këto zgjedhje, PS dhe “Shtëpia e Ilirit” kanë mbrapa njerëz të shpallur non grata nga SHBA për korrupsion.
Vangjush Dako është shefi politik dhe drejtuesi i fushatës së kandidates së PS në Durrës. Tom Doshi, është shefi politik dhe drejtues i fushatës së kandidates së PS në Shkodër. Sali Berisha është shefi politik i 6 kandidatëve të tjerë të Shtëpisë së Ilir Metës.
Sulmi i sotëm ndaj SHBA është solidarizim me non gratat e Edi Ramës. Hall i përbashkët, sjellje e përbashkët“, shkruan Bardhi.
