Futbollistët e reprezentacionit të Maqedonisë me një triumf mjaft të rëndësishëm hapën ciklin kualifikues për Kampionatin Evropian që do të luhet në Gjermani pas dy vitesh.
Malta bëri një rezistencë të fortë, mbrojti me sukses portën për një kohë të gjatë dhe më pas arriti të ofronte dramë në fund me një gol të vonuar.
Pas ndeshjes dhe fitores 2-1, publikut iu drejtua Enis Bardhi, i cili analizoi ndeshjen dhe fitoren e rëndësishme hapëse.
“Mendoj se kjo është një fitore e merituar.
Jam shumë i lumtur sepse fituam tre pikë të rëndësishme për ne dhe që e nisëm ciklin me fitore.
Ne do të ecim hap pas hapi në kualifikime dhe hapin e parë e kemi bërë.
Ky cikël është i ri për të gjithë ne dhe secili prej nesh vjen këtu me një mentalitet të ndryshëm.
Ne do të japim maksimumin në çdo ndeshje. Kemi një grup të fortë dhe do të shohim se çfarë do të ndodhë në të ardhmen”, tha Bardhi.
