Barcelona ka shumë fronte të hapura në merkato, shumica prej tyre me një rezultat të pasigurt. Sidoqoftë, ka një operacion që po ecën me ritme të mira dhe është afër finalizimit: rinovimi i Gavi.
Agjenti i mesfushorit, Iván de la Peña ka zhvilluar një takim të ri me Barçën mesditën e sotme për vazhdimësinë e andaluzianit, kontrata e të cilit përfundon në qershor 2023.
“OK” definitiv është shumë afër. Palët nuk e kanë mbyllur operacionin dhe nuk kanë ende një marrëveshje parimore, por gjithçka tregon se do të arrijnë një mirëkuptim në takimin e ardhshëm dhe të menjëhershëm.
Samiti i javës së kaluar shërbeu për të çuar përpara bisedimet dhe zgjerimi i tyre ishte në rrugën e duhur. Gavi, 17 vjeç, do të nënshkruajë, apriori, deri në vitin 2028, megjithëse kohëzgjatja e kontratës së re po e vonon më shumë operacionin.
Ai do të ketë klauzolë largimi 1 miliardë euroshe, si Araujo, Pedri dhe Ansu Fati. Këto janë kushtet mbi të cilat palët po punojnë. De la Peña është takuar sot me Mateu Alemany, drejtor i futbollit të Barcelonës.
Për Barcelonën, pavarësisht fjalëve të diskutueshme të Laportës dhe Xavi, vazhdimësia e Gavi ka qenë gjithmonë prioritet. Ata e konsiderojnë atë një lojtar të rëndësishëm në projektin e tanishëm dhe të ardhshëm të ekipit.
Futbollisti, pavarësisht se ka oferta të tjera të mëdha, ka deklaruar gjithmonë synimin e tij për të vazhduar karrierën në klubin katalanas. Në vitin e tij të parë me skuadrën e “Camp Nou”, Gavi luajti 47 ndeshje, duke startuar në 36 prej tyre.
