Ballkani e ka konfirmuar transferimin e Albin Berishës në Rumani.
Kampioni kosovar përmes një postimi në rrjetet sociale njoftoi se sulmuesi kosovar është transferuar në ekipin Petrolul 52 në Poliesti.
Therandasit i uruan suksese lojtarit në aventurën e re.
“Tifozë të dashur, qendërsulmuesi Albin Berisha është transferuar te ekipi Petrolul 52 në Poliesti të Rumanisë. Për djaloshin shembullor që dha shumë për skuadrën tonë, tani nis një etapë e re, në të cilën ne i urojmë sa më shumë suksese. FC Ballkani vazhdon të jetë adresa e formimit profesional të futbollistëve tanë, për të cilët në vazhdimësi krijojmë mundësi të reja”, njoftoi Ballkani në faqen e tij zyrtare në Facebook.
