Ballkani do ta zhvillojë ndeshjen e parë historike në kuadër të grupeve të Ligës së Konferencës nesër.
Ekipi nga Theranda do ta presë në stadiumin “Fadil Vokrri” ekipin rumun, CFR Cluj me fillim nga ora 18:45.
Ballkani është në formë të mirë, pasi ka fituar tri ndeshjet e para të sezonit të ri në Superligë.
Në këto tri ndeshje, ka fituar me rezultat minimal, 1:0, duke mos pranuar gol në asnjërën prej tyre.
Në anën tjetër, Cluj e ka nisur keq sezonin e ri në Liga 1 të Rumanisë.
Pas shtatë xhirove, Cluj gjendet në vendin e shtatë me 12 pikë, katër fitore e tri humbje.
