Deputetja e Lidhjes Demokratike të Kosovës, Hykmete Bajrami ka reaguar ashpër ndaj rritjes së çmimeve të disa produkteve ushqimore, që sipas saj partia në pushtet deri më tani nuk ka pasur asnjëherë vullnet për të parandaluar rritjen.
Ajo ka mohuar pretendimet e Qeverisë, sipas të cilëve LDK-ja përmes Gjykatës Kushtetuese ka ndaluar Qeverinë të ndërhyjë në rritjen e çmimeve.
Bajrami theksoi se e vërteta është krejt ndryshe: “Shteti ka mundësi, përmes institucioneve të pavarura, të ndërhyjë për të parandaluar rritjen e çmimeve, por është antikushtetuese që këtë kompetencë ta marrë Kryeministri apo Ministri“.
“Dëgjone ish kryetarën e Gjykatës Kushtetuese se çfarë thotë për vendimin e Gjykatës Kushtetuese për Ligjin nr. 08/L-179 për Masat e Përkohshme të Produkteve Themelore në Raste të Veçanta të Destabilizimit në Treg. Pra, shteti ka mundësi përmes institucioneve të pavarura të ndërhyjë për të parandaluar rritjen e çmimeve, por është antikushtetuese që këtë kompetencë ta marrë Kryeministri apo Ministri.Pra, kjo Qeveri kurrë nuk ka pasur vullnet për të parandalur rritjen e çmimeve – veç sa ka kërkuar fajtorë imagjinarë për të mbuluar dështimet e veta”, shkroi ajo në rrjetin social “Facebook”.
Burimi: botasot.info
