“Ne duhet të hetojmë substancat që kemi marrë gjatë asaj kohe. Gjithmonë ka pasur doping. Duhet të kuptojmë nëse disa suplemente që kemi marrë si futbollistë na kanë lënduar me kalimin e kohës. Edhe unë jam i frikësuar, po iu ndodh shumë lojtarëve”.
Dino Baggio, ish-mesfushori i Juventusit, Interit, Parmës dhe Lazios ka folur për ndarjen nga jeta të Gianluca Viallit, duke shprehur frikën shqetësuese. Baggio luajti me Viallin në kohën e Juves, nga viti 1992 deri më 1994, edhe në ekipin kombëtar italian.
“Duhet të kthehemi tek ajo që kemi marrë në ato periudha, – deklaroi ai në mikrofonat e Tv7, – duhet të hetojmë pak për substancat e marra në ato periudha. Nuk e di nëse kjo është për shkak të kësaj, por gjithmonë ka pasur doping. Me kalimin e kohës duhet të shohim nëse disa suplemente janë të mira për ju apo jo”.
Dino Baggio ngre alarmin për dopingun: “Po iu ndodh shumë lojtarëve. Në vitet e mia ka pasur doping. Nuk kemi marrë gjëra të çuditshme, kemi marrë gjëra normale, por më pas duhet të shohim nëse me kalimin e kohës i kemi nxjerrë jashtë trupit apo qëndrojnë brenda nesh. Më pas folën shumë për barin në fusha dhe produktet që përdornin, të cilat na krijonin probleme”.
Për Viallin dhe vitet e kaluara së bashku: “Kam kujtime të mrekullueshme nga Gianluca, ai ishte një burrë në dhomat e zhveshjes. Vialli donte të ndihmonte lojtarët e rinj të rriteshin. Me të isha 21 vjeç dhe ai gjithmonë kishte një fjalë të mirë për ne. Ai na la shumë shpejt, nuk e meritonte”.
