Drejtori i ELEM TURS, Adem Avziu vazhdon me investimet e radhës. Sot ai ka nisur të investojë në Autokampin “Livadhishtë” me qëllim përmirësimin e kushteve për turistët që qëndrojnë dhe vizitojnë kampin.
“Ashtu siç premtuam – Vazhdojmë të investojmë në Autokampin “Livadhishtë” me qëllim përmirësimin e kushteve për turistët që qëndrojnë dhe vizitojnë kampin.
Pasi vitin e kaluar investuam rreth 2 milionë denarë për rinovimin e tualeteve, një pjesë të bungalotëve, rregullimin dhe mirëmbajtjen e gjelbërimit dhe plazhit në kamp, këtë sezon kemi rinovuar mobilimin në bungalot në Autokamp. Siguruam krevate të reja (dyshe dhe teke), dyshekë, dollapë dhe komodina, si dhe mini kuzhina me lavamanë. Po bëjmë përpjekje për të riparuar kamp-shtëpizat e vjetra dhe për të siguruar kamp-shtëpiza të reja.
Vazhdojmë edhe më tej të ofrojmë kushte më të mira dhe përmbajtje të reja për vizitorët në kampin më të bukur me një nga plazhet më të bukura të Liqenit të Ohrit” ka shkruar Avziu.
