Avaramoski: Zvarritje e qëllimshme e lëndës “Shënjestra-Fortesa”

10

Shkup, 18 dhjetor –  Zvarritja dhe mbajtja shumë e gjatë e lëndës “Target – Fortesa” në sirtar nga gjykatësi Enver Bexheti, i cili u fut në listën e zezë të SHBA-së, më parë është konstatuar edhe nga vetë këshilli gjyqësor, thotë Darko Avramovski, drejtor ekzekutiv i Koalicionit “Të gjithë për gjykim të drejtë”. Fakti që pikërisht nga instancat vendore gjyqësore ka qenë e ditur se ky gjykatës ka bërë lëshim dhe nuk është sanksionuar për këtë, për Avramovskin e paraqet momentin më kontrovers në këtë rast.

“Ajo lëndë ishte veçanërisht problematike për faktin se këshilli gjyqësor konstatoi se kishte zvarritje të qëllimshme dhe me vetëdije të procedurës, por mund të vërehet se në një sërë prej këtyre çështjeve që u ekspozuan nga media, procedurat para Gjykatës së Apelit gjithashtu zgjatën jashtëzakonisht shumë dhe shumë shpesh ka rezultuar në anulimin e vendimit dhe rigjykim para gjykatës së shkallës së parë, gjë që pashmangshmërisht ka sjellë rrjedhë shtesë kohore që mund të mos ketë qenë e nevojshme të ndodhë”, deklaroi Darko Avramovski, koalicion të gjithë për gjykim të drejtë.

Por rasti i përgjimeve masive “Target-Fortesa”, në të cilin ish-kreu i DSK-së Sasho Mijalkov, si i akuzuari i parë, u dënua me 12 vjet burg, por u lirua për shkak të vjetërsimit të veprës, nuk është i vetmi që u zvarrit me vite ose ndaj të cilit nuk është vepruar në mënyrë efektive. Të tilla lëshime janë konstatuar edhe në lëndë të tjera që janë vazhdimisht aktuale në opinion.

“Në thelb, vërejtjet më të mëdha i kemi aty për sa i përket efikasitetit të veprimit, sepse ka numër të vogël të aktgjykimeve nga të gjitha lëndët e iniciuara që zhvillohen atje. Vitin e kaluar kemi pasur numrin më të madh të aktgjykimeve, por kjo në thelb ka ardhur për shkak të vjetërsimit të veprave penale”, tha Darko Avramovski, koalicion të gjithë për një gjykim të drejtë.

Koalicioni “Të gjithë për gjykim të drejtë” prezantoi gjetjet nga hulumtimi për punën e gjykatave dhe prokurorive publike, dhe është pikërisht rritja e numrit të lëndëve të mbetura problemi më i madh për gjykatat në vend.