Autoambulanca më e vjetër e licencuar në Shtetet e Bashkuara ka hyrë në Librin e Rekordeve Guinness pasi dy burra e drejtuan atë për më shumë se 5150 kilometra, nga Hollywood, Kaliforni, deri në Hollywood, Florida.
Kjo autoambulancë Cadillac e vitit 1972 ndërmori udhëtimin ndër-shtetëror me një ekip nga Symbiosis Ambulance dhe Axene Continuing Education, një organizatë jofitimprurëse për edukimin në shërbimet emergjente mjekësore.
Ekipi deklaroi se udhëtimi i tyre, i cili filloi më 1 mars dhe përfundoi të hënën, kishte për qëllim rritjen e ndërgjegjësimit për rëndësinë e edukimit në shërbimet mjekësore emergjente.
Një përfaqësues i Guinness World Records konfirmoi se udhëtimi prej rreth 5200 km vendosi një rekord të ri për distancën më të gjatë të përshkuar nga një autoambulancë.
Për të festuar përfundimin e kësaj sfide, ekipi i Axene Continuing Education organizoi një seancë trajnimi për EKG me zjarrfikësit dhe personelin e shërbimeve emergjente mjekësore në Hollywood, Florida.
Burimi: botasot.info
