Tani po dalin më shumë detaje për takimin që po zhvillohet mes ministrave të mbrojtjes të NATO-s dhe vendeve të Bashkimit Evropian për ofrimin e më shumë ndihmë ushtarake për Ukrainën.
Duke folur derisa takimi ishte gati të fillonte, Sekretari i Mbrojtjes i SHBA-së Lloyd Austin vlerësoi “trimërinë dhe aftësinë” e forcave të armatosura të Ukrainës dhe tha se mbrojtja e tyre e vendit të tyre kundër pushtimit rus do të hynte në histori.
Gjenerali Austin tha se forca e rezistencës ukrainase i kishte blerë kohë NATO-s për të siguruar pajisje dhe mbështetje, shkruan BBC, përcjell “Bota sot”.
Ai tha gjithashtu se Rusia po kryente “mizori të pambrojtshme” dhe lufta ishte një “sfidë për njerëzit e lirë kudo”.
Gjenerali Austin tha se takimi do të punojë për të zhvilluar një kornizë për të ndihmuar Ukrainën të fitojë konfliktin dhe të mbështesë vendin kur të mbaronte lufta.
