Atletico Madridi ka dënuar abuzimin racist të Vinicius Juniorit përpara derbit të Madridit.
Viniciusi iu nënshtrua abuzimit nga një grup i vogël tifozësh të Atleticos përpara derbit të Madridit të së dielës në stadiumin “Wanda Metropolitano”.
Atletico që atëherë ka lëshuar një deklaratë, duke dënuar veprimet e tyre.
Megjithatë, njoftimi për shtyp lë të kuptohet gjithashtu se ata jashtë klubit ishin të etur për të “ndezur fitilin e polemikave” përpara ndeshjes.
Një pjesë e deklaratës së Atleticos thoshte: ““Këto thirrje provokojnë neveri dhe indinjatë të madhe. Ne nuk do të lejojmë asnjë individ të fshihet pas ngjyrave tona për të shqiptuar fyerje të natyrës raciste ose ksenofobike. Në Atletico de Madrid, ne kemi zero tolerancë për racizmin, angazhimi ynë për luftën kundër kësaj plage sociale është total dhe ne nuk do të ndalemi derisa ta eliminojmë atë”..
Deklarata vazhdoi: “Tifozëve u kërkohet mendësi dhe racionalitet dhe gjatë javës, profesionistë nga fusha të ndryshme krijuan një fushatë artificiale, duke ndezur fitilin e polemikave pa matur pasojat e veprimeve dhe manifestimeve të tyre”.
Përpara se të abuzohej nga tifozët e Atleticos, Vinicius iu tha të “ndaloni së luajturi majmunin” nga presidenti i agjentëve të futbollit spanjoll – një deklaratë që është dënuar gjerësisht në të gjithë sportin.
Braziliani bëri gjithashtu një kundërpërgjigje të fuqishme në fushë, duke kërcyer me bashkatdhetarin, Rodrygo pasi ai hapi rezultatin në fitoren 2-1 të Madridit.
Ndërkohë, pas pushimit ndërkombëtar, skuadra e Diego Simeones do të rikthehet në La Liga kundër Sevillas të shtunën, më 1 tetor.
